Transcription
1
Monseigneur, puis ma derniere lettre du XVIe j’ay receu la lettre du [raturé : VIIIe]
2
VIIIe par le capitaine La Coste, qui arriva en ceste ville samedy dernier
3
XIII et a esté le premier qui pourta les nouvelles à la cour de la
4
reduction du chasteau et ville d’Oranges, et qui en ^a^ adverti le Roy.
5
Despuis monsieur de Caussade en a apporté l’advertissement de la
6
part de monseigneur le cardinal d’Armignac le quel seigneur cardinal
7
faict entendre au roy que la principauté est si estrangement animee
8
qu’il n’y a moyen que le gouverneur la puisse conserver à la devotion
9
du roy s’il ne luy permet de lever quelque impoz sur les marchandises
10
qui monteront et dessendront par le Rosne et par terre à l’endroit
11
de ladite principauté. Le roy a ordonné estre vendu de son domaine
12
en Daulphiné iusques à la somme de cinquante mil livres pour ung
13
coup pour y estre employer aux affaires de la guerre, de quoy je fais
14
depecher l’edict et les commissions. Monseigneur le prince daulphin
15
est resoulu comme il dict d’aller en son gouvernement et devoit du
16
jour d’hyer prendre congé du roy. Sa depeche consiste en une
17
instruction en dix commissions pour lever des gens de pied don il
18
en veut employer une pour cinquante arquebusiers à cheval pour
19
sa garde, et en une lettre à monsieur de Mandelot pour avoir artillerie
20
et munitions. J’ay heu une lettre de monsieur d’Evenes de Lyon du
21
Xe. Je loue dieu qu’il aye passé, et voyage seurement.
22
Monsieur Florent present pourteur est secretaire de monsieur de Foix, ayant
23
telle part en son maistre qu’il est la moitié de son ame, homme de bien
24
et de grand entendement. Je m’asseure, monsieur, que cela le vous
25
rendra assez recommandable [rature] pour favoriser son passage et sa
26
seureté si y adjousteray ^je^ qu’il est mon amy intime et tresaffectionné
27
et m’a prié faire mention de luy en la presente pour l’opinion qu’il
28
a de la bonne volonté qu’il vous plaict me porter, de la quelle il espere
29se ressentir pour le seurté de son dit passage [barré : le bruit ] . L’on tenoit
30
pour asseuré comme je suis party du chasteau de Vincennes
31
que monsieur de St Sulpice et monsieur de Villeroy estoient depeches
32
pour aller en Languedoc pour l’esperance de la paix, et qu’ilz venoint coucher
33
en ceste ville pour partir demain, qui nous a aussi asseuré de la trefve
34
en Languedoc iusques au XVe du moys prochain. Monseigneur le prince
35
a pris ceste apresdisnee son congé du Roy, de monseigneur le duc
36
et des autres et est venu coucher en ceste ville pour en partir
37
[79B]
38
comme on asseure le XXe et pour ne sejourner à St Fargeau qu’un
39iour [barré : se ] selon les lettres que je pourray recevoir ce pendant de
40
messieurs du pays je me resouldray à partir avec luy ou bien d’attendre
41
monsieur Boissat qui est homme bien choisi pour les affaires du pays..
42Plut à dieu que je me fusse creu ^#^ [barré : et n’est ] sur la deliberation
43
que j’avois tant de foys prise de me retirer. Se veux je louer
44
Dieu du tout et le supplier,
45
monseigneur vous conserver en très longue et heureuse vie.
46
De Paris, ce XVIIIe mars 1574
47
Votre très humble serviteur
48
So de Boczosel
49
Monsieur Malliet n’est pas en ceste ville et n’y sera que le XXVIe.
50
Je luy parleray du contenu en la lettre de monsieur d’Evènes
51
qui trouvera yci mes humbles recommandations à sa bonne grace
52
comme feront messieurs de Rousset, d’Hourche et de Gessans. Je nay
53
peu encore avoir la lettre de monsieur de president de Mazan, si len
54
solicite ie assez souvent mais je lauray à la fin. Jespère envoyer
55
à monsieur de Rousset sa depeche pour les lodz de Vitanvay
56
par ma premiere depesche ou la luy porter.